Opplev motbakkeglede frå start til topps i vakker natur

Potten opp er eit terrengløp på 2,7 km som arrangerast av Bjørgum IL. Løypa går i flotte omgjevnader og løpet går i kupert terreng på traktorveg, stiar og grusveg. Løypa har ein total stigning på 347 høgdemeter og endar på stølsområdet Potten, med flott utsikt over Vossevangen.

Løpet har både ein konkurranse- og ein trimklasse. Premiar delast ut til dei tre beste, samt at det blir trekt ut premiar til deltakarar både i konkurranse- og trimklasse.

Ta med deg familien på ein nydeleg fjelltur gjennom trimklassen – der det blir natursti med oppgåver som motivasjon på vegen, eller snør på deg løpeskoa og bli med på konkurranseklassen.

Etter enda løp, blir det moglegheit for å kjøpe seg noko godt i kafeen på toppen. Me fyrer i grillen, slik at det blir sal av pølser til dei som måtte ønskje dette.

Turen ned igjen, kan bli minst like fin som på vegen opp. Då kan ein leggje ruta si via Kringløyane, som går på andre sida av elva i forhold til der du kom opp. Her følger du ein slak og fin sti, idyllisk plassert ved elva. Siste del av stien er same som du kom opp, slik at du endar med parkeringa igjen.